Chairman Message

Home
Chairman Message

PRESIDENT MESSAGE

सज्जन हो नमस्कार,

एखादं कुटुंब चालवणे एक कुटुंब प्रमुखाला जसे एका दिव्यातून घेऊन जात असतं अगदी तसंच एखादी संस्था चालवणे किंवा तिच्या सुरूवातीपासून तिला विस्तारा पर्यंत घेऊन जाणार हेसुद्धा एक आव्हानात्मक काम आहे. ज्ञानदीप शिक्षण संस्थेची सुरुवात २०१३ साली शिक्षणानंतर समोर उभ्या राहिलेल्या प्रवासामुळे झाली. एखाद्या शिक्षण संस्थेत आपल्याला नोकरी मिळते का? असा प्रश्न काही ठिकाणी विचारला असता त्या प्रश्नाचे नकारात्मक उत्तर हे पदरी पडत होते. आसपास पंचक्रोशीमध्ये आम्ही ज्या सरकारी शाळेत शिकलो ते शिक्षण आम्हाला इथपर्यंत घेऊन आले होते परंतु यापुढची आव्हान ही अजूनही वेगळी असणार होती. याची चाहूल आम्हाला लागली होती. ज्ञानदीप शिक्षण संस्थेचा पहिला विचार हा इथूनच जन्माला आला. आपल्या पंचक्रोशीत इंग्रजी माध्यमांचं शिक्षण सुरू व्हावं आणि इतर विद्यार्थ्यांनाही त्याचा लाभ मिळावा हा एक आव्हानात्मक हेतू घेऊन आपण ज्ञानदीप शिक्षण संस्थेचा पाया रचायचा ठरवला; ज्ञानदीप शिक्षण संस्था जन्माला येताना समोर येणाऱ्या आव्हानांमध्ये इच्छाशक्ती भरपूर असली तरी सुद्धा आर्थिक अडचणी ह्या समोर आ वासून उभ्या होत्या पण जिद्द, चिकाटी आणि मेहनत करण्याची प्रवृत्ती ही आई-वडिलांनी दिलेल्या शिक्षणाचा खरा आधार होती.

थोरामोठ्यांचे आशीर्वाद आणि दातृत्वाच्या हातांनी आम्हाला आधार दिला आणि २०१८ साली एक एकर जागेत शाळेच्या इमारतीच्या बांधकामाला आम्ही सुरुवात केली. पहिलीच्या वर्गाची मान्यता आणि शाळेची इमारत या दोन्ही गोष्टी हळू हळू पुढे सरकत होत्या आणि आव्हानांची यादी त्यापेक्षाही वाढत होती पण म्हणतात ना काळरात्रीनंतर कितीही भीती वाटत असेल तरी एक ऊर्जेचा किरण पृथ्वीतलावर उजेड घेऊन येतो. अगदी याच उक्तीप्रमाणे आमच्या शाळेला पंखांमध्ये बळ मिळालं शाळेची इमारत बऱ्यापैकी आकार घेत होती आणि तशी ज्ञानदीप शिक्षण संस्थेमध्ये शिकणाऱ्या विद्यार्थ्यांची संख्या ही हळूहळू वाढत होती.

ज्ञानदीप शिक्षण संस्थेअंतर्गत आता दहावीपर्यंत शिक्षण तर आहेच परंतु, अकरावी-बारावीसह (कला, वाणिज्य आणि विज्ञान) सोबतच या तीनही पदवी अभ्यासक्रमाची मान्यता डॉ. बाबासाहेब आंबेडकर मराठवाडा विद्यापीठाच्या संलग्नतेने संस्थेला सावित्रीबाई फुले कला, वाणिज्य व विज्ञान वरिष्ठ महाविद्यालय, औराळा आणि स्व. नारायणराव कर्डक कला, वाणिज्य व विज्ञान वरिष्ठ महाविद्यालय, नागमठाण या नावाने दोन वेगवेगळी महाविद्यालये आकाराला आली आहे. काळाच्या गरजा वाढतील अशा अनेक गोष्टी त्यासोबत येत राहतील आणि संस्थेचा विस्तारही होत राहील परंतु आपल्यासारख्या सुजाण पालकांचे सहकाराचे हात सोबत नसतील तर संस्थेचा हा प्रवास कधीच शक्य झाला नसता. ग्रामीण भागातील विद्यार्थ्यांचे शिक्षण आणि त्यांचा सर्वांगीण विकास यासाठी ज्ञानदीप शिक्षण संस्था ही सदैव कटिबद्ध असेल याची खात्री बाळगावी.

आपला नम्र
प्रा.श्री. दीपक वारे
सचिव ज्ञानदीप शिक्षण संस्था